बालपण पुन्हा यावे असे वाटते......

आजकाल सर्वच लहान मुलांना शाळांना सुट्ट्या असल्याकारणाने ठिकठिकाणी त्यांचे आवाज कानावर पडत असतील.ती सर्वच लहान मुलं अगदी खेळण्यात मग्न झाली आहेत.सुट्टीचा अगदी भरपूर आनंद घेत आहेत.त्यादिवशी अशीच खिडकीत उभी असताना अचानक त्या मुलांवर नजर गेली.त्यांना पाहून मी अचानक लहानपणीच्या आठवणींत हरवून गेले.हे तर आपल्या सर्वांच्या बाबतीत नक्कीच होत असणार.कारण तोच एक आयुष्याचा असा टप्पा असतो जो प्रत्येकाला परत आपल्या आयुष्यात यावा असच वाटत असतं.तर हीच भावना मी काही ओळींमधून मांडण्याचा प्रयत्न करतेय.

      पुन्हा एकदा गल्लीत ते 
       लपाछुपी,लगोरी,पकडा-पकडी चे 
          खेळ रंगावे असे वाटते
           बालपण पुन्हा यावे असे वाटते.... 

        आजकालच्या मोठमोठ्या पार्ट्यांपेक्षा 
         आधीच्या त्या एक रुपयाच्या पेप्सीची 
         सवंगडी सोबतची पार्टी अजूनही किती सुखद वाटते
           बालपण पुन्हा यावे असे वाटते.... 
 
      आजकाल कामावर जाताना 
           त्या चार्जेर आणि लॅपटॉपच्या बॅगेच्या वजनापेक्षा 
             वह्या-पुस्तकांनी भरलेले दप्तराचे ओझे अजूनही आठवते
              बालपण पुन्हा यावे असे वाटते.... 
                                       
             आजकाल वाढदिवस साजरा करताना 
               ते आधीचे फक्त आपण नवीन कपडे 
                  घालून शाळेत जाणे आणि सर्वांना चॉकलेट्स देणे ती आठवण डोळ्यासमोर येते 
               बालपण पुन्हा यावे असे वाटते.... 
                                     
     कामाच्या ठिकाणी सरांनी केलेल्या कौतुकापेक्षा 
           शाळेत शिक्षकांनी उभे करून 
          पाठीवर दिलेली शाबासकीची थाप अजूनही आठवते
                  बालपण पुन्हा यावे असे वाटते.... 
            
  आता स्वतःच्या गाडीवर फिरण्यापेक्षा 
         लहानपणी सायकलवर बाबांच्या पाठी बसून 
          त्यांना घट्ट मिठी मारून केलेला प्रवास ही आठवण किती हवीहवीशी वाटते
                     बालपण पुन्हा यावे असे वाटते.... 

         आता आईला आधार देऊन तिचा हात हातात घेऊन चालणे त्याहीपेक्षा
               लहानपणी आईने आपला हात तिच्या हातात घेऊन 
                 तो केलेला मायेचा स्पर्श अजूनही ते सर्व आठवते  
                       बालपण पुन्हा यावे असे वाटते.... 

     आजकालच्या स्मार्ट फोन्सच्या जगात 
  लहानपणी जत्रेतील तो हट्ट करून घेतलेला फोन 
          अजूनही ते आठवले की चेहऱ्यावर हसू येते 
                 बालपण पुन्हा यावे असे वाटते.... 





टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

माझं अंगण....

माझं अंगण हे पहाटे पहाटे पडलेल्या सोनेरी सूर्यकिरणांनी भरून गेलेलं. अंगणात वाढलेल्या प्रत्येक रोपावर हे सोनेरी सूर्यकिरण असं काही पडतं जणू ही सोनेरी किरणं त्या रोपांना कुरवाळत आहेत. शेणाने सारवलेली जमीन, तुळशी वृंदावन, कोंबड्यांचे आरवणे, अधून मधून कोकिळेचा कानावर पडणारा आवाज, तुळशी वृंदावनात लावलेल्या अगरबत्तीचा सुवास आणि सोबत जास्वंदीच्या फुलांनी सजून गेलेलं तुळशी वृंदावन. तुळशी वृंदावनाच्या आजूबाजूची रांगोळीने सजलेली जमीन. अंगणात प्राजक्ताच्या फुलांची झालेली आरास, लहान मुलांचे अंगणात रंगलेले विविध खेळ. पावसात तर अंगण संपूर्ण पावसाच्या सरींनी भिजून जाते. मातीचा सुवास सर्वत्र दरवळतो. अंगणात उभे राहून हातावर पावसाचे थेंब झेलणे, पावसात ओलेचिंब भिजून जाणे, त्या साचलेल्या पाण्यात उड्या मारणे. अंगणातली रोपटी तर पावसामुळे अजून बहरून जातात. अंगणाची शोभा अजूनच वाढते. आजीचे जात्यावर दळण दळणे, ते काम करता करता ओवी बोलणे. आजीला मदत करत करत तिच्या ओवी ऐकणे आणि तिच्या गोष्टी ऐकणे. अंगणात उन्हाळ्यात काही सुकायला ठेवलं असेल तर दुपारी ते हळूच खाणे. रात्रीचे जेवण झाल्यावर अंगणात सर्वजण एकत्र बसून गप्पा...
अधिक वाचा

मोडी लिपीची गोडी......

इमेज
  * ऐतिहासिक वारसा लाभलेल्या मोडी लिपी बद्दलची माहिती मी आज तुम्हा सर्व वाचकांसाठी घेऊन येते आहे. ९00 वर्षांचा वारसा लाभलेल्या ह्या मोडी लिपीबद्दल आपण माहिती जाऊन घेऊया. १.मोडी लिपी माहिती                                 "मोडी लिपी" ही मराठी भाषा लिहिण्यासाठी वापरली जाणारी लिपी आहे, जी महाराष्ट्र राज्यात बोलली जाणारी प्राथमिक भाषा आहे. मोडी लिपीच्या उत्पत्ती संदर्भात अनेक सिद्धांत आहेत. विसाव्या शतकापर्यंत देवनागरी लिपी बरोबरच देवस्थान लिपीच्या बाळबोध शैलीला मराठी साठी प्रमाणित लेखन प्रणाली म्हणून बढती दिली जाईपर्यंत मोडी लिपीचा वापर मराठी भाषेसाठी केला जात असे. एकविसाव्या शताब्दीचे मराठी भाषिक लोकांचे असे विचार व  मत झाले आहे की, जर मराठी भाषेची मूळ असलेली "मोडी लिपी" जर पुन्हा वापरात आणली गेली तर मराठी भाषेचा प्रभाव वाढेल.                ...
अधिक वाचा

सुधागड किल्ला ... अविस्मरणीय आणि निसर्गरमणीय असा प्रवास

इमेज
सुधागड किल्ला......ही माझी दुसरी गडभ्रमंती. पहिल्या गडभ्रमंतीसाठी जशी उत्सुक होते, तशीच किंवा त्याहीपेक्षा जास्त ह्या गडभ्रमंतीसाठी खूपच उत्सुक होते.पावसाळा हा माझा आवडता ऋतू असल्यामुळे पावसातील गडभ्रमंती करण्यास मिळणार म्हणून खूप खूष होते. निसर्ग सौंदर्याचा जवळून आस्वाद घेणार होते. खूप उत्सुकतेने त्या दिवसाची वाट पाहत होते. अखेर तो दिवस उजाडला आणि ठरल्याप्रमाणे आम्ही सकाळी एकत्र भेटलो. त्यानंतर मग आमचा सुधागडच्या दिशेने प्रवास सुरु झाला.मनाला एक वेगळाच असा आनंद होत होता.त्या ठिकाणी पोहोचण्याची खूप उत्सुकता लागून राहिली होती.थोड्यावेळाच्या प्रवासानंतर एका ठिकाणी सकाळची न्याहारी करण्यासाठी थांबलो. त्या ठिकाणी मस्त गरमागरम वडापाव आणि चहाचा आस्वाद घेतला आणि मग पुढच्या प्रवासाला रवाना झालो.त्यानंतर गाडीत गप्पा, मजा-मस्ती करत थोड्यावेळाने गडाच्या ठिकाणी पोहोचलो. आम्ही त्याठिकाणी पोहोचलो आणि पाऊस सुरू झाला म्हणून प्रत्येकाने आपापले रेनकोट घातले. त्यानंतर मग ठरल्याप्रमाणे प्रत्येकाने आपली ओळख करुन दिली आणि गडाबद्दल थोडक्यात माहिती घेऊन गड चढण्याच्या दिशेने रवाना झालो. गड चढताना पाऊस...
अधिक वाचा